"खुसी बाँड्ने जन्मदिन: विद्यार्थीहरूको अनुहारमा मुस्कान”

झापा, २०८३/०२/०३

“मानव सेवाभन्दा ठूलो धर्म अरु केही हुँदैन” भन्ने भावनालाई आत्मसात गर्दै मेचीमाहाकाली बुहारी संयुक्त आवाज ले झापा जिल्ला सह–सचिव आरजु शर्माको जन्मदिनको विशेष अवसरमा एक प्रेरणादायी सामाजिक कार्य सम्पन्न गरेको छ। मेचीनगर–१५, ज्यामिरगढी, झापा स्थित श्री कालिका आधारभूत बिद्यालय मा अध्ययनरत अति विपन्न ३० जना विद्यार्थीहरूलाई स्कुल मोजा तथा जुत्ता वितरण गरिएको हो।

जन्मदिनलाई केवल व्यक्तिगत उत्सवमा सीमित नराखी, असहाय तथा आर्थिक रूपमा कमजोर बालबालिकाको अनुहारमा मुस्कान ल्याउने उद्देश्यले गरिएको यस मानवीय कार्यले समाजमा सकारात्मक सन्देश प्रवाह गरेको छ। कार्यक्रममा सहभागीहरूले “सानो सहयोगले पनि कसैको भविष्य उज्यालो बनाउन सक्छ” भन्ने भावनालाई व्यवहारमा उतारेका थिए।

कार्यक्रममा संस्थाकी केन्द्रिय अध्यक्ष चन्द्रकला काफ्ले, झापा जिल्ला संयोजक गंगीदेवी भट्टराई, सह–संयोजक रोशनी खनाल, सह–सचिव आरजु शर्मा, सदस्य चन्द्रा पिके लगायत विद्यालयका शिक्षक–शिक्षिका तथा स्थानीय अभिभावकहरूको उल्लेखनीय उपस्थिति रहेको थियो।

उक्त कार्यक्रममा बोल्दै संस्थाका प्रतिनिधिहरूले बालबालिकाको शिक्षा, आत्मविश्वास र उज्ज्वल भविष्य निर्माणका लागि यस्ता सहयोगी कार्यलाई आगामी दिनहरूमा पनि निरन्तरता दिइने बताएका छन्। विपन्न तथा आवश्यकतामा रहेका बालबालिकालाई सहयोग गर्नु समाजप्रतिको उत्तरदायित्व मात्र नभई मानवताको उत्कृष्ट उदाहरण भएको उनीहरूको भनाइ थियो। स्थानीयवासीहरूले समेत सामाजिक उत्तरदायित्वसहित मनाइएको यस्तो जन्मदिन कार्यक्रमले समाजमा करुणा, सहकार्य र सकारात्मक सोचको विकास गर्न महत्वपूर्ण भूमिका खेलेको प्रतिक्रिया दिएका छन्।

“अरूको जीवनमा उज्यालो छर्न सक्नु नै साँचो जन्मदिनको सबैभन्दा सुन्दर उपहार हो” भन्ने सन्देशसहित सम्पन्न भएको यस कार्यक्रमलाई उपस्थितहरूले अत्यन्त प्रशंसनीय र प्रेरणादायी कार्यको रूपमा लिएका छन्।

ग्रामिण भेग का महिला हरुको क्षमता अभिब्रिद्दी गराई सामाजिक राजनैतिक प्रक्रियामा उनीहरुकै बीच बाट प्रतिनिधित्व नभइन्जेल सम्म वास्तविक महिला हरुको परिवर्तन हुदैन भन्ने मान्यता सहित स्थापना भयको यो अभियान मुलक संस्था ५० वटा भन्दा बढी जिल्लामा फैलियको छ।अबसर बाट टाढा रहेका परपरागत पारिवारिक संरचना का कारण घर भित्रको जिम्मेबारी मा मात्र सिमित रहनु पर्ने अवस्थाका बुहारी हरुलाई अत्मबिश्वाश जगाई देश लाई सम्रिद्दी तर्फ लाने बाटोमा उनीहरुको पनि भूमिका हुन सक्छ भन्ने संदेश दिनको निम्ति उनीहरुलाई एककृत गराई देश का विभिन्न ठाउँ मा बिशेष परिस्थितिमा सेवामुलक कार्य हरु गर्दै आयको यो संस्था छोटो समयमै मानिस हरुको मन मुटुमा बस्न सफल भयको छ।