जन्मदिनको अवसरमा आश्रित बालबालिकालाई खाद्यान्न सहयोग

झापा | मिति: २०८२/१२/०५

मेचीमाहाकाली बुहारी संयुक्त आवाज, झापाको पहलमा जिल्ला सह–कोषाध्यक्ष सिता तिम्सिना ज्यूको जन्मदिनको पावन अवसरलाई सामाजिक सेवासँग जोड्दै सुस्त मनस्थिति सरोकार समाज नेपालमा आश्रित बालबालिकाहरुलाई खाद्यान्न सहयोग प्रदान गरिएको छ।

उक्त कार्यक्रममा संस्थाका प्रतिनिधिहरूको सहभागितामा आश्रममा आश्रित बालबालिकाहरुलाई आवश्यक खाद्यान्न सामग्री हस्तान्तरण गरिएको हो। जन्मदिनलाई केवल व्यक्तिगत उत्सवका रूपमा मात्र नभई समाजप्रति जिम्मेवारी वहन गर्ने अवसरका रूपमा लिनुपर्छ भन्ने सन्देश दिनका लागि यो कार्यक्रम आयोजना गरिएको बताइएको छ।

कार्यक्रमका क्रममा बोल्दै संस्थाका प्रतिनिधिहरूले मानव सेवा नै सबैभन्दा ठूलो धर्म भएको उल्लेख गर्दै सानो सहयोगले पनि कसैको जीवनमा ठूलो आशा र खुसी ल्याउन सक्ने विश्वास व्यक्त गरे। सहयोग प्राप्त गरेपछि आश्रममा रहेका बालबालिकाहरुको अनुहारमा देखिएको मुस्कानले कार्यक्रमलाई अझ भावुक र प्रेरणादायी बनाएको सहभागीहरूले बताएका छन्।

मेचीमाहाकाली बुहारी संयुक्त आवाज विगतदेखि नै समाजका पीडित, असहाय तथा आश्रित व्यक्तिहरूको सहयोगका लागि विभिन्न मानवीय तथा सामाजिक कार्यक्रमहरू सञ्चालन गर्दै आएको छ। संस्थाले आगामी दिनहरूमा पनि यस्ता सेवा र सहयोगका गतिविधिहरूलाई निरन्तरता दिने प्रतिबद्धता जनाएको छ।

जन्मदिनलाई सेवाको पर्वमा परिणत गर्दै सामाजिक कार्यमा योगदान पुर्‍याउनु वास्तवमै अनुकरणीय कार्य भएको सहभागीहरूले बताएका छन्। यस अवसरमा सिता तिम्सिना ज्यूलाई जन्मदिनको हार्दिक शुभकामना व्यक्त गर्दै उहाँको जीवनमा स्वास्थ्य, सुख, समृद्धि तथा समाजसेवामा अझ ठूलो सफलता प्राप्त होस् भन्ने कामना गर्दछौ।

ग्रामिण भेग का महिला हरुको क्षमता अभिब्रिद्दी गराई सामाजिक राजनैतिक प्रक्रियामा उनीहरुकै बीच बाट प्रतिनिधित्व नभइन्जेल सम्म वास्तविक महिला हरुको परिवर्तन हुदैन भन्ने मान्यता सहित स्थापना भयको यो अभियान मुलक संस्था ५० वटा भन्दा बढी जिल्लामा फैलियको छ।अबसर बाट टाढा रहेका परपरागत पारिवारिक संरचना का कारण घर भित्रको जिम्मेबारी मा मात्र सिमित रहनु पर्ने अवस्थाका बुहारी हरुलाई अत्मबिश्वाश जगाई देश लाई सम्रिद्दी तर्फ लाने बाटोमा उनीहरुको पनि भूमिका हुन सक्छ भन्ने संदेश दिनको निम्ति उनीहरुलाई एककृत गराई देश का विभिन्न ठाउँ मा बिशेष परिस्थितिमा सेवामुलक कार्य हरु गर्दै आयको यो संस्था छोटो समयमै मानिस हरुको मन मुटुमा बस्न सफल भयको छ।