मानवताको अर्को उदाहरण : मनिषालाई सुरक्षित आश्रय

झापा, साउन ११, २०८३।

मेचीमाहाकाली बुहारी संयुक्त आवाजको पहल तथा बिर्तामोड नगरपालिकाको समन्वयमा बिर्तामोड नगरपालिका वडा नं. १ निवासी मनिषा पुलामी मगरलाई आवश्यक संरक्षण तथा हेरचाहको व्यवस्था मिलाउँदै श्री सुस्त मनस्थिति सरोकार समाज नेपाल, कन्काई–१, झापामा सम्रक्षणका लागि हस्तान्तरण गरिएको छ।

शारीरिक रूपमा अपाङ्गता हुनुका साथै मानसिक सुस्तता/अस्वस्थताको अवस्थामा रहनुभएकी मगरलाई उचित संरक्षण, सुरक्षित आवास, नियमित हेरचाह तथा सम्मानजनक जीवनयापनको वातावरण उपलब्ध गराउने उद्देश्यले उक्त व्यवस्था गरिएको हो।

समाजमा रहेका असहाय, बेवारिसे तथा विशेष संरक्षणको आवश्यकता भएका व्यक्तिहरूको जीवनमा सकारात्मक परिवर्तन ल्याउने लक्ष्यसहित गरिएको यस मानवीय कार्यमा मेचीमाहाकाली बुहारी संयुक्त आवाजकी केन्द्रीय अध्यक्ष चन्द्रकला काफ्ले, झापा जिल्ला संयोजक गंगादेवी भट्टराई तथा कन्काई नगरपालिका वडा नं. ४ का वडा अध्यक्ष रोशन सुवेदीको विशेष उपस्थिति रहेको थियो।

कार्यक्रमका सहभागीहरूले मानव सेवा र सामाजिक उत्तरदायित्वलाई केवल नारामा सीमित नराखी व्यवहारमा उतार्न आवश्यक रहेको धारणा व्यक्त गरेका थिए। उनीहरूले समाजका हरेक नागरिकले असहाय तथा संरक्षणको आवश्यकता भएका व्यक्तिहरूप्रति संवेदनशील बन्नुपर्नेमा जोड दिएका थिए।

मेचीमाहाकाली बुहारी संयुक्त आवाजले विगतदेखि नै महिला सशक्तीकरण, सामाजिक रूपान्तरण, मानव सेवा तथा विपन्न समुदायको उत्थानका क्षेत्रमा विभिन्न कार्यक्रम सञ्चालन गर्दै आएको छ। संस्थाले आगामी दिनहरूमा पनि यस्ता मानवीय कार्यलाई निरन्तरता दिँदै समाजमा आशा, सहयोग र सहकार्यको सन्देश फैलाउने प्रतिबद्धता व्यक्त गरेको छ।

कार्यक्रमको अन्त्यमा संस्थाले सहयोग, समन्वय र सहकार्य गर्नुहुने सम्पूर्ण व्यक्ति तथा निकायहरूप्रति हार्दिक आभार व्यक्त गर्दै मानव सेवा नै सबैभन्दा ठूलो धर्म भएको सन्देश प्रवाह गरेको छ।

“एउटा असहाय जीवनलाई सुरक्षित आश्रय प्रदान गर्नु भनेको केवल सहयोग गर्नु मात्र होइन, उसलाई पुनः सम्मानपूर्वक बाँच्ने अवसर प्रदान गर्नु पनि हो।

”ग्रामिण भेग का महिला हरुको क्षमता अभिब्रिद्दी गराई सामाजिक राजनैतिक प्रक्रियामा उनीहरुकै बीच बाट प्रतिनिधित्व नभइन्जेल सम्म वास्तविक महिला हरुको परिवर्तन हुदैन भन्ने मान्यता सहित स्थापना भयको यो अभियान मुलक संस्था ५० वटा भन्दा बढी जिल्लामा फैलियको छ।अबसर बाट टाढा रहेका परपरागत पारिवारिक संरचना का कारण घर भित्रको जिम्मेबारी मा मात्र सिमित रहनु पर्ने अवस्थाका बुहारी हरुलाई अत्मबिश्वाश जगाई देश लाई सम्रिद्दी तर्फ लाने बाटोमा उनीहरुको पनि भूमिका हुन सक्छ भन्ने संदेश दिनको निम्ति उनीहरुलाई एककृत गराई देश का विभिन्न ठाउँ मा बिशेष परिस्थितिमा सेवामुलक कार्य हरु गर्दै आयको यो संस्था छोटो समयमै मानिस हरुको मन मुटुमा बस्न सफल भयको छ।