मानसिक स्वास्थ्य समस्याबाट पीडित महिलाको उद्धार गरी “माया घर नेपाल”, इटहरीमा सुरक्षित हस्तान्तरण

झापा / इटहरी, २०८३ साल जेठ २२ गते (शुक्रबार)

झापाको बिर्तामोड क्षेत्रमा मानसिक स्वास्थ्य समस्याका कारण सडक किनारमा असहाय अवस्थामा भेटिएकी एक महिलाको उद्धार गरी उनलाई सुरक्षित रूपमा “माया घर नेपाल”, इटहरीमा हस्तान्तरण गरिएको छ।

मेचीमहाकाली बुहारी संयुक्त आवाज (MEMBSA) को पहलमा भएको उक्त उद्धार कार्य स्थानीय समाजसेवीहरूको सहकार्यमा सम्पन्न गरिएको हो। संस्थाका अनुसार ती महिला अचेत तथा असहाय अवस्थामा सडक किनारमा फेला परेकी थिइन्, जसपछि तत्काल उद्धार प्रक्रिया अघि बढाइएको थियो।

उद्धार कार्यमा झापा जिल्ला संयोजक गंगा देवी भट्टराई तथा सह–संयोजक रोशनी खनाल अधिकारी सक्रिय रूपमा खटिनुभएको थियो। त्यसैगरी समाजसेवी कौशल कान्छाज्यूले समेत उद्धार प्रक्रियामा आवश्यक सहकार्य प्रदान गर्नुभएको MEMBSA ले जनाएको छ।

उद्धारपछि ती महिलालाई आवश्यक प्राथमिक सुरक्षा, हेरचाह तथा संरक्षणका लागि इटहरीस्थित “मामाघर नेपाल” मा सुरक्षित रूपमा हस्तान्तरण गरिएको हो। उक्त संस्थाले जोखिममा परेका, असहाय तथा संरक्षण आवश्यक व्यक्तिहरूलाई आश्रय, पुनर्स्थापना तथा आवश्यक सहयोग प्रदान गर्दै आएको छ।

MEMBSA का अनुसार यस प्रकारका उद्धार तथा मानवतामूलक कार्यहरू संस्थाको नियमित सामाजिक उत्तरदायित्व अन्तर्गत सञ्चालन हुँदै आएका छन्। संस्थाले महिला अधिकार, सामाजिक न्याय, हिंसा न्यूनीकरण तथा सामाजिक सचेतना जस्ता विषयमा राष्ट्रिय स्तरमा निरन्तर आवाज उठाउँदै आएको भए पनि, समुदायस्तरमा देखापर्ने यस्ता आपतकालीन मानवीय अवस्थाहरूलाई समेत उत्तिकै प्राथमिकताका साथ सम्बोधन गर्दै आएको जनाएको छ।

संस्थाले ठूला सामाजिक तथा नीतिगत विषयहरूमा काम गर्दै गर्दा पनि सडक तथा समुदायमा देखिने जोखिमपूर्ण अवस्थाहरूलाई बेवास्ता नगरी आवश्यक सहयोग र उद्धार कार्यलाई निरन्तरता दिँदै जाने प्रतिबद्धता व्यक्त गरेको छ।

ग्रामिण भेग का महिला हरुको क्षमता अभिब्रिद्दी गराई सामाजिक राजनैतिक प्रक्रियामा उनीहरुकै बीच बाट प्रतिनिधित्व नभइन्जेल सम्म वास्तविक महिला हरुको परिवर्तन हुदैन भन्ने मान्यता सहित स्थापना भयको यो अभियान मुलक संस्था ५० वटा भन्दा बढी जिल्लामा फैलियको छ।अबसर बाट टाढा रहेका परपरागत पारिवारिक संरचना का कारण घर भित्रको जिम्मेबारी मा मात्र सिमित रहनु पर्ने अवस्थाका बुहारी हरुलाई अत्मबिश्वाश जगाई देश लाई सम्रिद्दी तर्फ लाने बाटोमा उनीहरुको पनि भूमिका हुन सक्छ भन्ने संदेश दिनको निम्ति उनीहरुलाई एककृत गराई देश का विभिन्न ठाउँ मा बिशेष परिस्थितिमा सेवामुलक कार्य हरु गर्दै आयको यो संस्था छोटो समयमै मानिस हरुको मन मुटुमा बस्न सफल भयको छ।