भयानक आगलागीबाट पीडित मनिका राईलाई मेची-माहाकाली बुहारी संयुक्त आवाजद्वारा राहत प्रदान !

कमल गाउँपालिका, माघ २४

झापाको कमल गाउँपालिका–५, सितापुर चौक निवासी मनिका राईको घरमा भीषण आगलागी हुँदा परिवार गम्भीर संकटमा परेको छ। यो आकस्मिक विपत्तिले उहाँको घर पूर्ण रूपमा नष्ट गरेको मात्र नभई सम्पूर्ण धन-सम्पत्तिमा ठूलो क्षति पुर्‍याएको छ।

आकस्मिक अवस्थालाई मध्यनजर गर्दै, मेची-माहाकाली बुहारी संयुक्त आवाजद्वारा पीडित परिवारलाई तत्काल राहत स्वरूप रु २०,००० (बीस हजार रुपैयाँ) सहयोग प्रदान गरिएको छ। आगलागीबाट विस्थापित भएका राई परिवार अहिले कठिन परिस्थितिबाट गुज्रिरहेको छ, जसले उनीहरूको दैनन्दिन जीवनयापनमा गम्भीर प्रभाव परेको छ।

राहत हस्तान्तरण कार्यक्रमको संयोजन उपशाखा कमल परिवारले गरेको थियो, संस्थाका पदाधिकारीहरू तथा विभिन्न सहयोगी हातहरूले ऐक्यबद्धता प्रकट गरेका थिए। पीडित परिवारलाई राहत प्रदान गर्दै संस्थाका प्रतिनिधिहरूले विपत्तिको घडीमा एकअर्कालाई साथ दिनु नै मानवता हो भन्ने सन्देश दिएका छन्।

“विपत्तिका कठिन घडीहरूमा सानो सहयोगले ठूलो परिवर्तन ल्याउन सक्छ,” संस्थाका पदाधिकारीहरूले भने। “एकजना व्यक्तिको पुनःस्थापनामा हजारौं हात जुट्न सके मात्र संकटग्रस्त परिवारको पीडा कम हुन सक्छ।”

यस आपत्कालीन परिस्थितिमा मनिका राईको परिवारलाई सहयोगी हात बढाउनुहुने सबै उदार मनहरू प्रति मेची-माहाकाली बुहारी संयुक्त आवाजले हार्दिक आभार व्यक्त गरेको छ।

संस्थाले आगामी दिनहरूमा पनि विपद् तथा विपन्नतामा परेका परिवारहरूलाई यथासम्भव सहयोग गर्ने प्रतिबद्धता व्यक्त गरेको छ। साथै, स्थानीय समुदायलाई एकअर्काको दुःखमा साथ दिँदै, मानवीय सेवाका कार्यहरूमा सक्रिय सहभागिता जनाउन अनुरोध गरिएको छ।

ग्रामिण भेग का महिला हरुको क्षमता अभिब्रिद्दी गराई सामाजिक राजनैतिक प्रक्रियामा उनीहरुकै बीच बाट प्रतिनिधित्व नभइन्जेल सम्म वास्तविक महिला हरुको परिवर्तन हुदैन भन्ने मान्यता सहित स्थापना भयको यो अभियान मुलक संस्था ५० वटा भन्दा बढी जिल्लामा फैलियको छ।अबसर बाट टाढा रहेका परपरागत पारिवारिक संरचना का कारण घर भित्रको जिम्मेबारी मा मात्र सिमित रहनु पर्ने अवस्थाका बुहारी हरुलाई अत्मबिश्वाश जगाई देश लाई सम्रिद्दी तर्फ लाने बाटोमा उनीहरुको पनि भूमिका हुन सक्छ भन्ने संदेश दिनको निम्ति उनीहरुलाई एककृत गराई देश का विभिन्न ठाउँ मा बिशेष परिस्थितिमा सेवामुलक कार्य हरु गर्दै आयको यो संस्था छोटो समयमै मानिस हरुको मन मुटुमा बस्न सफल भयको छ।