सडक दुर्घटनामा गम्भीर घाइते सागर चौधरीलाई MEMBSA द्वारा आर्थिक तथा खाद्यान्न सहयोग

मिति: २०८२/०६/२४, झापा।

जीवन अनमोल छ, तर कहिलेकाहीँ भाग्यले अनपेक्षित पीडा ल्याइदिन्छ। झापाको बिर्तामोड–८ निवासी सागर चौधरी हाल सडक दुर्घटनामा परि गम्भीर घाइते हुनुभएको खबरले सम्पूर्ण समुदायलाई दुःखित बनाएको छ। यस्ता कठिन क्षणमा साथ, माया र सहयोग नै साँचो मानवीयताको परिचय हो भन्ने भावनाका साथ मेचीमाहाकाली बुहारी संयुक्त आवाज (MEMBSA) उहाँको सहयोगमा अघि आएको छ।

संस्थाले सागर चौधरीलाई थप उपचारको लागि रु. ११,१०५ नगद र रु. ६,००० बराबरको खाद्यान्न हस्तान्तरण गरेको छ। उक्त सहयोगले उहाँको उपचारमा केही राहत र आशाको किरण ल्याओस् भन्ने MEMBSA परिवारको हार्दिक कामना रहेको छ।

सहयोग हस्तान्तरण कार्यक्रममा केन्द्रीय अध्यक्ष श्रीमती चन्द्रकला काफ्ले (पूनका), झापा संयोजक गंगा भट्टराई, सह–संयोजक रोशनी खनाल अधिकारी, आजीवन सदस्य शर्मिला उप्रेती, र सदस्य निर्मला नेपाल लगायतको उपस्थितिले कार्यक्रमलाई भावनात्मक बनाएको थियो। सबैको सामूहिक उपस्थिति र सद्भावले मानवीयता अझ उज्यालो बनेको महसुस भयो।

विशेष धन्यवाद फिनल्याण्डमा बसोबास गर्दै आउनु भएकी समाजसेवी सदस्य श्रीमती गीता खड्कालाई, जसले टाढा रहँदै पनि मातृभूमिप्रति प्रेम र करुणाको अद्वितीय उदाहरण प्रस्तुत गर्नुभएको छ। उहाँले MEMBSA लाई रु. ५५,११० सहयोग प्रदान गर्नुभएको थियो, जसको केही अंश सागर चौधरीको उपचारमा खर्च गरिएको हो। उहाँको यस्तो उदार योगदानले “प्रेम र करुणाको कुनै सिमा हुँदैन” भन्ने सन्देश सम्पूर्ण समाजमा फैलाएको छ।

सागर चौधरीको शीघ्र स्वास्थ्य लाभको कामना गर्दै, MEMBSA परिवारले यस्तो कठिन समयमा पनि मानवता जीवित राख्ने सबै सहयोगी आत्माहरूलाई हृदयदेखि धन्यवाद ज्ञापन गरेको छ।

ग्रामिण भेग का महिला हरुको क्षमता अभिब्रिद्दी गराई सामाजिक राजनैतिक प्रक्रियामा उनीहरुकै बीच बाट प्रतिनिधित्व नभइन्जेल सम्म वास्तविक महिला हरुको परिवर्तन हुदैन भन्ने मान्यता सहित स्थापना भयको यो अभियान मुलक संस्था ५० वटा भन्दा बढी जिल्लामा फैलियको छ।अबसर बाट टाढा रहेका परपरागत पारिवारिक संरचना का कारण घर भित्रको जिम्मेबारी मा मात्र सिमित रहनु पर्ने अवस्थाका बुहारी हरुलाई अत्मबिश्वाश जगाई देश लाई सम्रिद्दी तर्फ लाने बाटोमा उनीहरुको पनि भूमिका हुन सक्छ भन्ने संदेश दिनको निम्ति उनीहरुलाई एककृत गराई देश का विभिन्न ठाउँ मा बिशेष परिस्थितिमा सेवामुलक कार्य हरु गर्दै आयको यो संस्था छोटो समयमै मानिस हरुको मन मुटुमा बस्न सफल भयको छ ।

“सहयोगको सानो हातले पनि कसैको जीवनमा आशा र उज्यालो ल्याउन सक्छ, र यही हाम्रो संयुक्त आवाजको सन्देश हो।”